Mi Name isch Haldemann Phippu
I bi ufeme chline Burehof im Nessugrabe (Ämmitau) ufgwachse. Aus Bueb hani seehr gärn gschuttet u gueti Musig - müglichscht mit viu Bass - glosst.
Ha gärn DJlet u bi viu mit Fründe zäme gsi. Das machi übrigens aus gäng no gärn... Im 2007 hani du mis Meitschi ghürate. Ching heimer keni wöue. Ha aber enorm fröid a mine 7 Göttiching. Daas de scho.
Gleert hani  Verchöifer.  Coop, Valserwasser u Grafik Werkstatt si miner Arbitgäber gsi bisi du zur Aemme-Getränke AG bi cho. 

U iz, bini eifach dr BiPhi, u das aus GmbH...

Bier hani früecher gar nid so gärn gha. Ke Ahnig warum. Filech wüui augemein nid so dr Meinstriim-Typ bi us denn haut nume so Standartbier het gä? Filech. Ufaufäu isch mini Bierliebi ersch so mit de Jahre cho. Drfür tou... Us luter Herje hani du Afangs 2019 zersch dr Schwizer Biersommelier gmacht u du när ono dr Diplom Biersommelier z Gräfelfingen. 
U iz bini was i bi... dr Bierphippu u Fuudtracker.